Contoh pambyawara/MC pertemuan PKK dalam Bahasa Jawa.

Assalamu’alaikum Wr. Wb

            Perwakilan saking Dinas Kesehatan Kab. Banyumas ingkang kawula kurmati

            Ibu Ketua RW ingkang kawula kurmati

            Ibu ketua PKK ingkang kawula kurmati

            Seles saking PT. Dompet 3in1 ingkang kawula kurmati

            Saha ibu-ibu PKK Rw 04 ingkang begya mulya.

            Kados padatan, sumangga kita langkung rumiyin ngaturaken puja-puji syukur wonten ngarsanipun Gusti Allah SWT, ingkang kanthi paguwaosipun paring kanikmatan dhumateng kita sedaya saengga ing enjing menika kita saged makempal wonten ing adicara pepanggihan PKK Rw 04 teng griyanipun Ibu Sulis.

            Ibu-ibu PKK ingkang begya mulya.

Kula ingkang tinanggenah minangka pambyawara utawi panataacara keparenga ngaturaken menggah rumpaka rantamaning adicara ingkang badhe katindakaken ing wekdal menika:

1.      Pambuka

2.      Nembang mars PKK

3.      Atur pangandika saking ibu ketua PKK

4.      Atur pangandika saking ibu ketua RW

5.      Penyuluhan imunisasi

6.      Liya-liya

7.      Panutup

Ibu-ibu ingkang begya mulya.

Sarehning wekdalipun sampun radi siang pramila sumangga adicara ing wekdal menika kita wiwiti kemawon kanthi adicara ingkang kaping setunggal inggih menika pambuka. Sumangga para rawuh adicara menika kita bikak sesarengan kanthi waosan basmallah.

            Maturnuwun, mugi-mugi kanthi waosan donga pambuka menika, adicara badhe lumampah dening  lancar, amin.

            Ndungkap adicara ingkang kaping kalih inggih menika nembang mars PKK ingkang badhe dipunpimpin dening Ibu Wanda. Dhumateng Ibu Wanda kula sumanggakaken.

            Ndungkap adicara ingkang kaping tiga inggih menika atur pangandika saking ibu ketua PKK. Dhumateng Ibu Wanda kula sumanggakaken. Maturnuwun dhumateng Ibu Wanda.

            Ndungkap adicara ingkang kaping sekawan inggih menika atur pangandika saking ibu ketua Rw. Dhumateng Ibu Anggi kula sumanggakaken. Maturnuwun dhumateng Ibu Anggi.

            Ibu-ibu ingkang begya mulya, adicara ingkang kaping gangsal inggih menika penyuluhan imunsasi saking Dinas Kesehatan Kab. Banyumas. Dhumateng Ibu Dela kula sumanggakaken. Maturnuwun, dhumateng Ibu Dela. Mugi-mugi ilmunipun saged ngimbuhi pangertosan saha kathah faedaeh dhumateng kita sedaya.

            Adicara ingkang kaping enem inggih menika liya-liya. Dhumateng Ibu Hanida sumangga.

            Ibu-ibu ingkang begya mulya.

Adicara ingkang kaping pitu inggih menika panutup. Sumangga adicara menika kita pungkasi sesarengan kanthi maos lafal hamdallah. Mugi-mugi adicara pepangihan PKK menika kathah faedaeh dhateng kita sedaya. Amin...

Kula ingkang tinanggenah minagka pambyawara utawi panataacara mbok bilih anggenipun ngayahi jejibahan menika kathah klenta-klentunipun kula nyuwun agunging pangapunten. Maturnuwun.

            Wassalamu’alaikum Wr. Wb.